ពុទ្ធកិច្ច៥យ៉ាង

              ក្នុងរយៈពេល៤៥វស្សានេះ ព្រះបរមសាស្ដាទ្រង់បំពេញពុទ្ធកិច្ច៥ប្រការ ក្នុងពេលផ្សេងៗគ្នា ដូចមានបទបាលីថាៈ

បុព្វណ្ហេ បិណ្ឌបាតញ្ច  សាយណ្ហេ ធម្មទេសនំ

បទោសេ ភិក្ខុឱវាទំ  អឌ្ឍរតេ្ត ទេវបញ្ហនំ

បច្ចូសេ វ គតេ កាលេ ភព្វាភព្វា វិលោកនំ ។

មានន័យថាៈ 

១ ក្នុងវេលព្រឹក ទ្រង់យាងទៅបិណ្ឌបាត 

២ ក្នុងវេលារសៀល ទ្រង់សំដែងធម៌ដល់ជនានុជន

៣ ក្នុងវេលាព្រលប់ទ្រង់ប្រទានឱវាទចំពោះភិក្ខុសង្ឃ

 ៤ក្នុងវេលាអធ្រាត្រ ទ្រង់ដោះប្រស្នាពួកទេវតា 

៥ ដល់វេលាជិតភ្លឺ ទ្រង់ប្រមើលមើលសត្វដែលមានភ័ព្វនិងឥតភ័ព្វ។

       ព្រះសម្មាសម្ពុទ្ធទ្រង់ប្រព្រឹត្តធ្វើពុទ្ធកិច្ចទាំង៥ យ៉ាងនេះអស់៤៥ វស្សា។​